اغنية الفراشه

اغنية الفراشه

من مسلسل (مبروك جالك ولد )

غناء نيللي

الحان عمار الشريعي


كلمات سيد حجاب

المسلسل من تأليف لينين الرملي

كلمات الاغنيه

كان فيه فراشه صغنططه .. مفرفشه ومزأططه

لابسه بلوزه منقطّه .. على جونله مخططه

منقطّه ومخطّطه

وسط الجنينه لمحتها وهىّ طايره فى الهوا

ناديتها ,بصّت تحتها ..

قلتلها تيجى نلعب سوا؟

قالتلى طيب يااسمك إيه ..


أنا هاستخبى وأختفى..

فى أى مطرح ألتقيه ..

وإن كنتى شاطره تعرفى

قلتلها طب يللا العبى ياأم جناحات ملوّنه

يللا ياحلوه جرّبى ,

هتروحى فين منّى أنا؟

طارت وغابت فى الشجر..

وعند أشجار الليمون غابت تمام عن النظر..

ولونها تاه بين الغصون

بصّيت بعينى ماشفتهاش ..

من الشجر ماعرفتهاش

كان الورق ستر وغطا ..

أنا قلت لأ, مابدّهاش!!

مدّيت إيديا للغصون وبسرعه هزّيتها

لقيت جناح بألف لون بينفرد وينطوى

فضلت كتير متنطّطه وهىّ طايره مزأططه

أما فراشه زغنططه..

لابسه بلوزه منقطّه..

على جونلّه مخطّطه