اغنية باي باي

من مسلسل (مبروك جالك ولد )

غناء نيللي

الحان عمار الشريعي

كلمات سيد حجاب

كلمات الاغنيه

باي باي باي ياحبايبي ياحلوين

فات اليوم ما اعرفش ازاي

واحنا كمان ما احناش عارفين

جرس المدرسه في الهوا بيقول

باي باي يا تخت باي باي يافصول

م المدرسه على بيتنا على طول

والصبح ح نرجع ونقول هاي

الهوا بيهفهف حوالينا

والعصافير بتصوصو لينا

والفرحه تزخرف خطاوينا

والنيل بيغني لنا على الناي

ح نروح دوغري على بيتنا

نرتاح ونجدد قوتنا

ونحل الواجب ومامتنا

تذاكر لنا درس اليوم الجاي

باي باي ياحبايبي ياحلوين


المسلسل من تأليف لينين الرملي